Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Timoteo 1:1| Nae Porona, Karaisiti Isu nkaposoronawe. Pi ntugaraka tauꞌikena yagara Kotibe aobi pompe ntagara Karaisiti Isube isigeba unatantame aposoronawe.
-
|1 Timoteo 1:2| Timoti, kaeba monota yagaranetakaꞌya miyempeka naeba ma nkisapa kaeti kaeyuwe. Piya, taba Kotike Waꞌegare Karaisiti Isuke isigetisa awagaenabe isintaraꞌenabe paruyenabe, kaeti waima waiyeno. Aꞌyaꞌma kumpariyenaba maete tumo
-
|1 Timoteo 1:3| Pigoya, paipa naeba Masetoniya mari wakena punta, ugamintosa piya po. Piya, kaeba Epesasi kumata agora mimagina, kaꞌisa pi kinapa esegima uwaimegini, igeba to kamana to kamanaꞌwaipa a-siyo.
-
|1 Timoteo 1:4| Piya, igeba uwa amani kamanape aotumpi kamanape kasiyoma, uwaimo. Piya, pi kamanaꞌamaba kampa nagarikena puma, napiyenawaipa paibegini tara tara igiba napiyegana, monota kampa iyoꞌmaeyagina, imatitiꞌenawaipa kampa anosaye.
-
|1 Timoteo 1:5| We, ugamo kamanapa wasanamiba aegarakibepa, igeba igupa nare ntare puma, aogi napiyena maema, taga imatitiꞌenaba pikibewe. Piya, aegarakibe kinaꞌmiba igeba ugamo kamanaꞌama nkauꞌwapa aborama agu kaoꞌenaba pukibewe.
-
|1 Timoteo 1:6| We, kaꞌisamiba ma kamanatepa kaitegini, aiboꞌnabo puma aꞌyugu kamana uta nasewe.
-
|1 Timoteo 1:7| Igeba Koti nkago kamana aborakena tisa kina misanaga ibiye. We: Taga taga piye, ye kamanaꞌwaipe, kamanaꞌama nkagobeba, igeba kampa aogima abintawe.
-
|1 Timoteo 1:8| Pigoya, taeba mayama abune: Kotiba ago kamanaꞌama ntugaba tayakemika, pi ntugaga napima ago kamana ukubompepa, pi kamanaꞌama nkauꞌwapa kanarasakiye.
-
|1 Timoteo 1:9| Piya, taeba mayama kaga aogima abune: Kotiba ago kamanapa arupu kinaꞌmiti wanane. Antage kinaꞌmiti atantine. Eya, akayuye kinana, Koti ikabita kinana, aguntaena pe kinana, kampa aota miye kinana, iꞌnintana pe kinana, ibawaimpa iyeguye kinana, inowaimpa iyeguye kinana, to wasana iyeguye kinana,
-
|1 Timoteo 1:10| kumiyena pe kinana, wa paibe kinana, wasana ababuma kakata kinana, kumpari kinana, taga kamana uma antage pe kinana, aꞌyaꞌma to kamana uma taga mono kamana akayasota kinana sumagini, igeti ago kamanapa utawaitantine.
