Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|1 Pedro 2:11| We, nabugai kinaꞌmitaba, tigeba to marisa kina kanta puma mima, mampabipa uwaena yaganto mikena kinatawe. Piya, naeba mayama urimekiri abiyo: Arirasa iꞌnintanamaba timawamapa maꞌena potamipa, tigeba tikabitaiyo.
-
|1 Pedro 2:12| Tigeba to marisa kinaꞌmi nkikapinti aogima ntasiyo. Piya, igeba kamparaga kamana uritapa, aogi yugaripa agama, aintiba Koti nkago igeti aborakibi ntagaba ae agegaꞌeba asagayukibewe.
-
|1 Pedro 2:13| Tigeba Waꞌegawamaka napi napi puma aꞌyaꞌma ima minta kinaꞌmi imentapinti miyiyo. Eya, wasana waꞌega yagara asugasima mintiꞌna aepa,
-
|1 Pedro 2:14| ae uwaitanti kabirata kamani kinaꞌmipeba imentapinti miyiyo. Piya, igeba ataena pe kinaꞌmipa ika nkimintini, arupuyena pe kinaꞌmi nkigegaꞌe asagayukena yuga pewe.
-
|1 Pedro 2:15| Piya, Kotiba piya pusanaga abiye: Tigeba arupu yugaritasa kampa abima aibo kinaꞌmi nkiwamupa akunisanaga abiye.
-
|1 Pedro 2:16| Pigoya, Kotiba igaꞌnabisa akariyobatitantisa puma pabiya puma miyiyo. We, tigeba: Uwa kina miyune, umagiripa, karuꞌena aꞌwae puma ataenaba a-piyo. Kampaye. Tigeba Koti kayokaya kinaꞌena puma miyiyo.
-
|1 Pedro 2:17| Tigeba aꞌyaꞌma kinaꞌmi nkigegaꞌeba asagayuyiyo. Mono tiyoꞌmipa agu kaoꞌena puwaitaiyo. Kotikaba tiyekuru piyo. Wasana waꞌegawama nkagegaꞌe asagayuyiyo. Taeba Karaisiti kisagaꞌma tauki nakiyena maekune
-
|1 Pedro 2:18| We, kayokaya kinaꞌmitaba, tigeba kabiritaꞌnagikaba tiyekuru puma imentanti aogima miyiyo. Kayonena puma paebuma miye kinaꞌmi ibiwanane. Tigeba atama kabirita kinake kaga imentanti miyiyo.
-
|1 Pedro 2:19| Piya, igeba tiki nakiyenaba uwa timigiripa, tigeba Kotitiba napimagiri pi tiki nakiyenaba aesagabikibepa, Kotiba aꞌmu puritakiye.
-
|1 Pedro 2:20| Piya, tigeba aguntaena pigini tiyeguyigiripa, uwa itaiginaba, ke abekana kanarasakiye, a. We, tigeba arupuyena pigini, pika tiki nakiyena puma ata puritaigiripa, uwa itaiginaba, Kotiba pikaba aꞌmu puritakiye.
