Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
E Isureroko bu Mosisikiro Eroni ziegafiana buina madinamiva ijene
-
|Números 14:1|[1-2] Areme muge ijia e Isureroko boeje buka ma urukeigia niraena vijeko vakuma ve irasei. E boeje buka uri Mosisikiro Eroni madiana kiae, Janika areke no Ijifiti ijia ro ba ae sao ijia karinoena oega fuka marekuma.
-
|Números 14:2|
-
|Números 14:3| Ro E Ireobo fu irerefuo no kaenamuona igia ruaema iviama e buneka no kanuoga none igia oedufuo. Bu kanuoga no oeke bararafa nuvuone ijiakina anafa nuvuone ije bune e ijiebe kaenamia vadufuo. Ijadufuo fube maredo noka una gamia Ijifiti vakono kuae?
-
|Números 14:4| Bu ijiege kuaena bune uri bue kuae, Noka e nigofo be abega fure no kaenamuona una Ijifiti vakono kuae.
-
|Números 14:5| E ije bu ijiege kuaevoga Mosisikiro Eroni bu e Isureroko boeje bu afuiva ijiebuo nidua ijia tuana uimutumutu sakae ado ijia dije.
-
|Números 14:6| Ro Josua e Nanedo fari ijiakiro Kerabi e Jefunedo fari ije bu aesakae Keinani ninakokuae vaeva ije bune uri izege e Isureroko ije bu Godi ma vierafekuae totenamivo ije giavo buka ireobo oefiadiae. Ijadufuo bune uri ugone buone bu saeva ije kame farae.
-
|Números 14:7| Areme bune uri e Isureroko boeje bu ijia afuiva ije kiae, Aesakae ije no urana vakinu ninakoeva ije fuka mukore.
-
|Números 14:8| Ijadufuo E Ireobo fu no oemarejuokuma fure kaenamuona va aesakae ije ire zaraema ije abena no muoke.
-
|Números 14:9| Ijadufuo jade uri e ije aesakae ijia kariva ije jumena E Ireobo ije ijuonevo. Ijadufuo maeje godi buone ije bu vafaedufuo ije buka daro baki. Ro no E Ireobo ije fu noena ijadufuo no vakuva nore iraraena e ije kaniakono kiae.
-
|Números 14:10| Rove e Isureroko buka mune tuana e inokiro Kerabikiro Josua ije kaniakuae kuae. Bu ijiege kuaevoga E Ireobo ijadufuo sanaema ije fu arina Are Muvuaka Akae ije e Isureroko boeje bu besu afuiva ijia sanamoga bu gae.
