Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godido Vua Maeje 
-
|Juan 1:21|[21-22] Ro e ije bu una Joni kuae, Ro aeje a vierafega a e Iraeja ke a erano kuae? Bu ijiege kuavoga fu una kiae, Nana e Eraeja bakino kiamoga bu una kuae, Ro a vierafega aeje a e be Godido vua vierafena kuaemo ijene ke a erano kuae? Bu ijiege kuavoga Joni fu una kiae, Nana e ije Godido vua vierafena kuaevo ije bakino kiamoga bu una kuae, Ro a vierafega aeje a era? Ni ive one ije kuaruoga no una va e gafe bu kuaruovo no ruaeva ije kuariano kuae.
-
|Juan 1:22|
-
|Juan 1:23| Bu ijiege kuaravoga Joni fu urina e be Godido vua vierafena kuaemo e Asaeado vua ijia bijana ijiege kuariae. Fu kia,Naeje na e be fu ae sao ijie fina kume, E Ireobo ijadufuo vame ije mukoreigia urari amaeriga fu rono kumemo ijeno kiae.
-
|Juan 1:24|[24-25] Areme e ije e Feresi bu kiavo bu ruaeva ije bu una Joni kuae, A kuo nana E Ije Godi fu kuamo fu ruaema ije bakino kue. Ro kuke a e Iraeja ro e Godido vua vierafena kuaemo ije bakino kue. Ro a irerefuo a e do ruoriamono kuae?
-
|Juan 1:25|
-
|Juan 1:26|[26-27] Bu ijiege kuaravoga Joni fu una kiae, Na jaeje name kena do ijiaru ruoriave. Rove e be ja naebe vierafeva ije fu jaena ijia manine. E ije fu rade nuvedie ruome ro naeje nana naebe manido na dia suri fuone azojakono kiae.
-
|Juan 1:27|
-
|Juan 1:28| Ro ire boeje fu are Beteni do Jodeni irifo gara Joni fu e do ruoriaema ijia ijiege rei.
-
Godi E Ije fu abena zinone ifaejedufuo ijene
-
|Juan 1:29| Areme nituame Joni fu gake Jesu fu romoga fu uri e ije kiae, Ni gafia gafo! E Ije Godi fu abena zinone ifaejega fu e boeje igiebuo ise ije karauniadufuo ije fu gafi ruomo gafo.
-
|Juan 1:30| Na e ijadufuo kuariana kia e be fu rade nuvedie ruomo kiae. Ro fuje fuka ma e anuigi ro nana baki. Ijadufuo maeje fuje fune isuibe Godiki ijia fikoga naeje bu rade bietanie.
