Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Aú-aai símai kááísamakain-aai 
-
|1 Corintios 2:1| Kesí waásisono. Kentópaꞌo komaéwánda Maníkón-aai paápé uráin-aai kosimátimewandaraꞌa kesúwíꞌa maimaé iyíwae-aai ímbo simátimewanda Maníkón-aai aforaꞌá simátímakaumne.
-
|1 Corintios 2:2| Ááéma imáyáa éꞌa séꞌa kentópaꞌo komáénda ímba miyám-baaran-tantaakoni imáyáa éꞌa simátíménda Ísu Káráísitintafeꞌa imáyáa éꞌa kentáásáfénawe séna aaraa-táíyáꞌó pukáin-aai aantemba imáyáa éꞌa kosimátimenaumne séꞌa
-
|1 Corintios 2:3| kentópaꞌo komaéwándaraꞌa sááꞌa úwana tataꞌá úwaꞌa aamoisaén-kwáásí méꞌa
-
|1 Corintios 2:4| aaimó simátimewandaraꞌa Maníkón-aaisafesamo éraiꞌemo síyawini áwáuma ímba waásiti kaweꞌ-ímáyááfínkémbán-ifo Maníkóní fasiꞌaémpínkémbán-iye séꞌa simátimeꞌa Ufaen-ámúntánkóní kísauwe fasiꞌaéné aráátimewanaꞌa awánaraawe. Maníkóní kaweꞌ-ímáyáágón-aai.
-
|1 Corintios 2:5|
-
|1 Corintios 2:6| Maníkóntáféꞌo fasiꞌámaimo méraawisafeꞌa kaweꞌ-ímáyááfínkémbá kaweꞌ-ááí simátimune. Minkáwéꞌ-ímáyáágó ímba marapáꞌ-wáásífínkéné marapáꞌó káráwiyaawimo taiꞌáíyawifinkemban-ifo
-
|1 Corintios 2:7| minkáwéꞌ-ímáyáágó Maníkómpákémbán-iye. Maníkó maramó ímbo úmakonkaꞌa séna toꞌmayaa éꞌa ánaaemba paápé onaná miwá kaweꞌá uwátinkainasa ságaen-aempaꞌa ménaawemo siyáimba kentáásáféna séna minkáwéꞌ-ímáyáá aúpáꞌá makáimba póna wérowasa
-
|1 Corintios 2:8| marapáꞌó káráwiyaawi ímba kaweꞌ-úmai ísaraawe. Ísaresaraa Fasiꞌaénkó fíꞌora-fasiꞌaenkwarawimba aaraa-táíyáꞌá ímba tufúwana pukáisino.
-
|1 Corintios 2:9| Minááísáféna naaófáꞌá Maníkón-aai aúfáífimba agaimaréna sénaManíkó toꞌmayaa úmai wembó tirumbó ámén-
kwaasi timíníye. Túrantamba ímba awánésa tááꞌa ímba isésa ímba imáyáa uráan-tantaaꞌa Maníkómó toꞌmayaa úmakaimba timíníye agaimaréna siyáiye.
-
|1 Corintios 2:10| Énifo Maníkó wení ámútankomba aiꞌmarówana keséta ména Maníkómó toꞌmayaa úmakainta aráásímakaiye. Maníkóní ámútanko seyaafá-tántááꞌá awánéna Maníkómó wenarumpin-ímáyáá énamo toꞌmayaa úmakaimba awánaraiye.
