आपका शब्द 
पुर्तगाली
इतालवी
स्पैनिश
अंग्रेज़ी
फ्रेंच
अरबी
अकर्मण्य
हिन्दी
जर्मन
Weneya Totono Keraisu Yesunomo 
-
|माथिउस 14:21| Eni nee nakoina-kiti oi motikilepa mati atoa katekoa oi moamoa ali-kama takoa oi motokolipa ege egeta kadukoa (5,000) nakedekoi. Yesu Galili Ue Tali Ludu Kautoa Nekenemo
-
|माथिउस 14:22| Nitaneyake Yesuyo one oyali-kiti-pala okome okome ue dipike peapetekoa pote eka matanuke mepoatino, poe. I ali atoa kini kini pitikika wetekamotekene nouno, patepoe wa one oyali-kiti wetekaka.
-
|माथिउस 14:23| Nitoapa eida oboa kakoi-kiti pipoatino, poe wa wetekamotokome Akolali kowitademe kidene witimoa tono tobou ate lewia pome mepaneya. Ta likaka one eida pa kidene meaneya.
-
|माथिउस 14:24| Yesuyo kowitoa mekakoa one oya-lawe ue dipike mea puku pekete toa ue muke ue ate ketita pewikoa pupulegemeka kiwi nokoina lono kutu wa popokoa aua poademe tokoa kaka. Nitikoa kakale ta patademe tu̱ei teigaka Yesu ue tali ludu kautoa noka.
-
|माथिउस 14:25|
-
|माथिउस 14:26| Kautoa nokale enekete ae, yukupa ipono noko patu wa nenei motekete ka̱ oa kakoli okome
-
|माथिउस 14:27| no i nukuno, tepe kolotini kilikoa pimotono, piti moameo wa okale
-
|माथिउस 14:28| Pitayo okome Ali Muno nipa ne nekedekalepa no ne kakota ue tali ludu wete noo wa oano ta-kale okome
-
|माथिउस 14:29| nipa namene wa okale ue dipi tewitikoa ko̱oketikoa Yesu kakata ue tali ludu kautoa noka.
-
|माथिउस 14:30| Nokome enekale pupulege popokoa kakale enekome piti tokale tokome ue mine kekulu atukapademe kakome ka̱ okome okome Ali Muno no tuamedekuno, wete toa monoo wa ka̱ oa kaka.
