Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ilajtulisli Yancuic toTata Jesucristo 
-
|Lucas 7:11| Panuc inon, yahuiaya Jesús pa se caltilan tipichin itoca Naín, quitocaloaya imonextilinijmes huan míac lacalera.
-
|Lucas 7:12| Ajsic capa calaquilo pin caltilan, quitac se mijquil, quihuicatiahuiloaya pa quilalpachulosquiaya. Se sihual ihuían yec inantzin in mijquil, huan yihual yec ja in se xolol san hual quipiaya. Ca in sihual cataloaya míac hual chantiloaya pa in caltilan.
-
|Lucas 7:13| Quitaya in sihual, in Tata Jesús quipiaya laicnililisli pa yihual, quilic: —Amo xichoca.
-
|Lucas 7:14| Ajsic Jesús capa cataya ilacomultic in mijquil, quimatocac, huan moquetzaje yehuanten hual quimamaloaya. Cuaquinon Jesús quilic in mijquil: —Oquixli, nimitzilía ximoquetza.
-
|Lucas 7:15| Cuaquinon moquetzac molalic in hual miquic, axcan yuliaya oc sejpa, pehuac lajtuc. Huan Jesús quitemacac inantzin yihual hual cataya mijquil.
-
|Lucas 7:16| Huan momajtijque moxtin huan pehualoaya quijtulo lajtomes huejué pa Dios, quililoaya: —Axcan nesic ca tehuanten se ilajtuni hué Dios. Noje quijtuloaya: —Axcan hualac Dios techpaxaluilic tehuanten hual techlajtultic.
-
|Lucas 7:17| Huan quimatijque quinami panuc inon yehuanten pa mochi in lali Judea. Huan pa mochi in lali itejtenco Judea quimatijque len quichihuac Jesús. Quintilanía Juan Lacuayatequini sequin imonextilinijmes ca Jesús (Mt. 11:2‑19)
-
|Lucas 7:18| Huan Juan Lacuayatequini imonextilinijmes quimachiltijque Juan mochi inon. Pampín quinnotzac Juan ome imonextilinijmes, quintilanic ca in Tata Jesús.
-
|Lucas 7:19| Quintilanic pa quilajlanilosquiaya: —¿Tehual tiunca in se hual Dios quijtuc yahuiaya techtilanili? O ¿ticchiasi oc se?
-
|Lucas 7:20| Yojque hualajque capa Jesús in lacames imonextilinijmes Juan huan quilije: —Techtilanic Juan Lacuayatequini ca tehual pa timitzlajlanisi sinda tel tiunca in se hual Dios quijtuc yahuiaya huala pin lalticpan. ¿Tiunca tehual o ticchiasi oc se?
