Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ilajtulisli Yancuic toTata Jesucristo 
-
|Lucas 22:41| Mijcuanic Jesús capa yehuanten pa cayas huejquita quinami se tixcali lalasali.
-
|Lucas 22:42| Nepa molancuacuetzac, quilajlaniaya Dios, quilic: —Tata, sinda ticnequi, xichquixti pa camo nipanus inon hual nía nipanu. Ma yoje, ma camo mochía quinami niquijtúa nel, jan ma mochía quinami tiquijtúa tehual.
-
|Lucas 22:43| Nesic ca yihual se ilanahuatini in cielo pa quichicahualtisquiaya.
-
|Lucas 22:44| Huan cataya panujtataya lacocoltilisli niman míac. Yojque quilajlaniaya Dios ca míac chicahualisli, huan ixicaya imijtonil chicuenta esli ixicatataya pan in lali.
-
|Lucas 22:45| Cuaquinon moquetzac capa quilajlaniaya Dios, hualac capa cataloaya imonextilinijmes, quinmitac coxtataloaya pampa quincocujtataya inminyolo.
-
|Lucas 22:46| Huan quinmilic: —¿Leca ancoxtica? Ximoquetzacan huan xiclajlanican Dios pa camo anmitztilanilis anmoyolo Satanás. Quiquitzquilo Jesús (Mt. 26:47‑56; Mr. 14:43‑50; Jn. 18:2‑11)
-
|Lucas 22:47| Ayamo lamic quinmilic inon, ajsiloaya lacalera huan in se imonextilini motocaya Judas, yihual se ca in doce, quinlaicanaya. Yihual ajsiaya pa quitenamiquisquiaya.
-
|Lucas 22:48| Huan Jesús quilic: —Judas, ¿tichtenamiquic nehual ilacal in cielo, pa yoje tiquinnextilisquiaya nolacocolinijmes capa nel?
-
|Lucas 22:49| Quitajque imonextilinijmes len yahuiaya panu, quilijque: —Tata, ¿amo timoanasi ca in teposli pa moanalisli?
-
|Lucas 22:50| Huan se ca yehuanten quitecuac ca iteposli itequipanujquil in tiopista hué, yojque quicotonilic se inacas pa ima cuali.
