Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ilajtulisli Yancuic toTata Jesucristo 
-
|Lucas 20:31| Huan umpa canac in sihual ihuían oc se icni, miquic. Yojque panuc ca moxtin in chicome, amo quinpialoaya xolomes ca in sihual, moxtin miquije.
-
|Lucas 20:32| Huan cuaquín miquic in sihual noje.
-
|Lucas 20:33| Axcan, sinda yulisi oc sejpa yehuanten hual miquilo, ¿pa calía innojen chicome yes in sihual? Pampa moxtin in chicome lacames quipialoaya in sihual.
-
|Lucas 20:34| Jesús quinnanquilic: —Jan yehuanten hual yulilo pin lalticpan monamictilo.
-
|Lucas 20:35| Ma yoje, quiman lamis in lalticpan hual axan unca, amo monamictilo yehuanten hual Dios quinlajtultic pa yulisi oc sejpa capa yihual unca pin cielo.
-
|Lucas 20:36| Noje yajmo huil miquilo, cayasi quinami in lanahuatinijmes pin cielo. Yehuanten amo monamictilo huan amo miquilo. Quema, cate ixolomes Dios yehuanten hual yulisi capa yihual quiman miquisi.
-
|Lucas 20:37| Huan neli unca pampa yehuanten hual miquilo yulisi oc sejpa. Moisés anmitzmachiltía inon, pampa quijcuiluc len in Tata Dios quilic nepa quilaquetzilijtataya ca ilajtol quistataya pin huitzcuajtzindi. Quilic: “Nehual iDios Abraham huan iDios Isaac huan iDios Jacob”, quilic.
-
|Lucas 20:38| Dios amo unca inminDios in mijquimes, yihual inminDios yehuanten hual yulticate, pampa Dios quinmita moxtin quinami yulticate.
-
|Lucas 20:39| Cuaquinon sequin ca ilamaxtinijmes inminlajtol in judíos quilijque: —Lamaxtini, tilajtuc cuali.
-
|Lucas 20:40| Inon quilijque pampa axan momajtiloaya pa quilajlanilosquiaya oc se lajtol. ¿Aqui ixolol in Cristo? (Mt. 22:41‑46; Mr. 12:35‑37)
