Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ilajtulisli Yancuic toTata Jesucristo 
-
|Lucas 1:61| Huan quilijque: —Amo unca se anmocnían hual motoca yoje.
-
|Lucas 1:62| Pampín quilajlaniloaya Zacarías ca inminmajmajuan quinami yihual quinequiaya pa motocasquiaya ixolol.
-
|Lucas 1:63| Huan Zacarías molajlanilic se amal huan quijcuiluc: “Juan itoca.” Huan moxtin mocahualoaya moiztataloaya.
-
|Lucas 1:64| Cuaquinon quilapuc icamac Zacarías huan jan ajnaxcan inejnepil huil lajtuaya, pehuac quijtuc lajtomes huejué pa Dios.
-
|Lucas 1:65| Huan pehualoaya momajtilo moxtin in chantinijmes. Pa mochi in lali pa pani ilomera (itepetilan) in lalticpan Judea, moxtin pehualoaya moililo inahuac in hual panuc.
-
|Lucas 1:66| Huan moxtin yehuanten hual quimatijque quinami panujque innojen quijnamictiahuiloaya laijtic inminyolo, quijtuloaya: —Axan, ¿len yahui caya ca in xolol? Pampa cataya neli Dios ilahueliltilisli cataya ca yihual. Zacarías quijtúa lajtomes huejué pa Dios
-
|Lucas 1:67| Huan in Espíritu Santo quitemiltic Zacarías itajtzin in xolol Juan, quilaquetzaltic ilajtomes in Espíritu Santo, huan quilic:
-
|Lucas 1:68| Ma cayacan lajtuli lajtomes huejué pa in Tata, iDios Israel, pampa techitac pa techpalehuis huan pa laxlahuis pa tiyelosquiaya lamacahuali tehuanten ilacames.
-
|Lucas 1:69| Quitilanía se hual quipía mochi lahueliltilisli pa techquixtis pin polehuilisli.In se unca imiahuil in hué David hual yec itequipanujquil Dios.
-
|Lucas 1:70| Unca jan quinami Dios lajtuc pan inminpampa ilajtunijmes hual lajtujque pa yina, yehuanten quinlalilic pa quijtus ilajtol.
