Tua Palavra

₁₁

|Marcos 3:11| Фена духлар, ачан гӧрӓрдилӓр Ону, дӱшӓрдилӓр ерӓ Онун ӧнӱндӓ да баарардылар: «Сӓн Аллахын Оолуйсун!»

₁₂

|Marcos 3:12| Ама О серт сымарларды оннара, ачыкламасыннар Ону башкаларына.

Иисус айырэр оники апостол

₁₃

|Marcos 3:13| Сора Иисус пинди байыр ӱстӱнӓ да чаарды, кими истеди. Оннар топландылар Она.

₁₄

|Marcos 3:14| Оннарын ичиндӓн айырды оникисини, ангыларына апостол деди, ки олсуннар Онуннан, да йолласын оннары насаат етмӓӓ,

₁₅

|Marcos 3:15| хем куветлери олсун /алыштырмаа хасталары хем/ кооламаа фена духлары.

₁₆

|Marcos 3:16| Буннар, кими Иисус айырды, оники киши: Симон, ангысынын адыны койду Петри;

₁₇

|Marcos 3:17| Иаков хем Иоан, Зеведейин ооллары, ангыларын адларыны койду Воанергес, аннамасы «Гӧк гӱрӱлтӱ ооллары»;

₁₈

|Marcos 3:18| Андрей; Филип; Варфоломей; Матфей; Фома; Иаков, Алфейин оолу; Фаддей; Симон Кананит

₁₉

|Marcos 3:19| хем Иуда Искариот, ангысы Иисусу сатты.

Айоз Духа каршы гӱнах

₂₀

|Marcos 3:20| Иисус бундан сора евӓ гитти. Енидӓн топланды инсан ӧлӓ чоклук, ани Иисуслан ӱӱрениӂилерин йокту колайы екмек исиннӓр.