Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Efesios 3:11| Жиндирго абадияб хІукму Аллагьас тІубазабуна нилъер ТІадегІанав МасихІ ГІисадалъун.
-
|Efesios 3:12| Гьевгун цолъун ва гьесде иманги лъун, хІинкъичІого ва ракІчІун хьвадулел руго нилъ Аллагьасда цере.
-
|Efesios 3:13| Гьединлъидал дица нужеда гьарулеб буго, нуж сабаблъун дие гІазаб кьолеб бугилан ракІ гІодоб чІван рукІунгейилан. Гьеб гІазаб сабаблъунин нуж бергьунел ругел.
-
|Efesios 3:14| ХІасил, Инсуда цеве накабазда чІун вуго дун.
-
|Efesios 3:15| Зоб-ракьалда ругелщиназе чІаголъи гьесул цІаралдасан бачІараб буго.
-
|Efesios 3:16| Дица гьесда гьарулеб буго жиндирго машгьураб хазинаялдасан нужее РухІалдалъун къуват кьейилан, нужер ракІ къвакІизабейилан,
-
|Efesios 3:17| иман лъеялдалъун МасихІ нужер рекІелъе лъугьинавейилан. Рокьи нужер кьибиллъунги кьучІлъунги лъугьаги.
-
|Efesios 3:18| Гьебмехалда, нужер гьунар гІела, киналго иман лъуразда гІадин, нужеда МасихІил рокьи лъазе - гьелъул гІеблъиги, халалъиги, борхалъиги, гъварилъиги лъазе.
-
|Efesios 3:19| Лъазего кІолареб бугониги, лъаги нужеда гьеб, - Аллагьасул камиллъи нужелъеги лъугьине.
-
|Efesios 3:20| Жинда гьаризе нилъеда кІолелдасаги, хІатта нилъеда ракІалде кколелдасаги гІемерго цІикІкІарабаб гьабизе нилъее къуват кьолев Аллагьасе рецц!
